每日笑一笑,世界更美妙,可惜身邊卻充斥放負同事,令到自己都慘被負能量包圍。近日有網民於討論區發帖指,有兩名喜歡放負的同事坐在附近,日日每隔15分鐘便唉聲嘆氣一次,甚至講到要自殺,令事主十分困擾。

事主指出,該兩名同事日日放負,已經持續數月,「有時話返工返到要自殺,因為太多嘢做但佢嗰team啲人唔上心」,事主有次便以網絡紅人Brian Cha名句回應:「唔鍾意咪quit(離開)」,結果仍沒法阻止兩位放負同事,「佢哋即刻靜咗,隔15分鐘再唉過」。

本身性格開朗樂觀的事主開始受不了,「其實呻一兩句好正常,開頭都有安慰下佢哋,但你每日隔15分鐘呻一次,一路做一路呻,想點。就嚟俾佢哋煩到癲」。

帖文一出,有網民深表同情,「你唔係一個幫到佢哋嘅人,有啲人天生引導佢哋舒發情緒,慢慢做啱個system就唔會呻,慢慢受」。亦有網民提出解決方法,「對付呢啲癡線佬就要比佢哋更癡線,你負過佢佢就怕咗你,萬試萬靈」。更有人笑事主叫人quit,其實事主都應該quit。