辦公室保持清潔人人有責,不知道你們的辦公桌能否擺放私人物品呢?近日有網民於討論區《連登》發帖指,若將咖啡機放在桌上會否太誇張,並問網民平日會放甚麼私人物品在桌上。帖文惹起熱議,一眾連登仔出招,看看辦公桌上最誇張放了甚麼。

綜合網民留言,不少打工仔都會放模型,「見個同事成枱都係figure(模型),仲要個個都係女,勁少布嗰啲。條友成日返工去咗蛇王去機舖夾返嚟,周不時拎住一兩隻戰利品返公司,所以放晒喺枱」。

另有網民指枱面放著遊戲機,「我試過放部PS4喺公司,喺公司玩咗一個月,成日同朋友玩打My Beach,結果經理同我講,返工時間唔好成日望住個Mon(螢幕)打機」、「xbox,嗰時有隻game(遊戲)叫spike out,太好玩,要攞返公司先夠時間打」。

而電器類如電爐、氣炸鍋及咖啡機更是大熱,「有次趁老細唔喺度嗰陣打邊爐,點知佢突然返嚟,話我做咩咁誇張」、「返公司炸三文魚、薯仔牛扒、台灣腸、雞翼,仲有好多,lunch(午飯)會同同事去公司附近買食材,跟住枱下面矮櫃一拉出嚟全部都係調味料」、「放咖啡機,好細部啫,有咩問題,係沖嗰陣大聲啲」。

有打工仔則很羨慕枱面能放工作以外的物品,「有位我都想放,全部放晒做嘢嘅sample(樣版)及 refernce(參考資料),唯一嘅私人嘢係我個水杯同筆筒」、「葡萄,枱面淨係畀放電腦、電話同keyboard(鍵盤),連部notebook(手提電腦)同個mouse(滑鼠)都要日日收工放入櫃桶」。