隨著通訊科技的發展,打工仔其中一個苦惱就是電話遭公事轟炸,放工甚至放假都要回覆訊息及電郵。近日有一名網民於討論區發帖指,公司00後新人放工後便「失蹤」,直斥他們沒有責任心,更考慮向人事部反映問題。惟一眾網民認為發帖者才最有問題,私人時間不應機是道理。

發帖者表示,公司每年都安排他教導新人,主要講解公司流程及運作。不過,在這一個月的時間,他發現一眾00後新人有一個很嚴重的問題,「次次食lunch(午飯)同放工之後都搵唔到佢哋,email(電郵)又好,whatsapp又好,佢哋都唔會即時應,點都係返到公司先會應」。

發帖者認為,現時科技發達,回覆訊息並不困難,「我搵得佢哋都係緊要嘢,點可以唔應機,都唔明佢哋點諗」,他直言正考慮會否跟人事部探討這問題。

帖文一出引來大量「嬲嬲」,不少人認為私人時間並非一定要做公事,「並非00後的問題,而是你公司文化的問題,lunch同收工後屬於私人時間,如果是重要事情,就打電話啦」、「放工就放工㗎啦,仲做嘢㗎咩?放工你出埋糧畀我呀?」、「你份工係咩工先?lunch或放工係我自由時間,一定要覆你?我會照睇訊息,不過睇情況先覆」、「你鍾意收咗工仲擦老細鞋係你戇居啫,仲諗住去投訴啲正常人,真係青山走犯」。

另一邊廂的網民則認為現時的00後對工作的態度較兒戲,「00後又唔係養家糊口,冇生存壓力,自然任性」、「佢哋無造反已經偷笑,對00後不能要求太多」、「我公司嗰幾件都係咁,講完都無用,做咗幾日之後又會打回原形」。